Afmæli

    Ninni minn á afmæli í dag. Hann er 65 ára og sprækur sem lækur. Honum er nú ekkert mikið um það gefið að ég sé að skrifa um hann persónulega á þessa síðu enda hef ég ekkert verið að því. Við Andrea ætlum að baka afmælisköku í dag og bjóða honum út að borða í kvöld.

Ég hef verið svolítið hrædd um Andreu vegna spænsku strákanna. Hún fær hvílíku athyglina.  Strákarnir góna, blístra og sumir hreinlega slefa á eftir henni. Sumir dirfast að koma með athugsemdir: "how are you beauty?" "Where are you from blonde?, you are so beautyful" Sama gildir eiginlega um Ninna en það eru ekki strákar, heldur kerlingar á miðjum aldri og jafnvel yngri, sem gapa og góna á hann og blikka hann.( Hafa enn ekki þorað að koma með athugasemdir,þar sem ég set bara upp Miðkots-hrokasvip og þær hrökklast úr vegi.) Ég geri mér allavega grein fyrir að ég þarf að vera beggja megin á flakki og halda í mitt fólk.

    Björn og Gyða (Belgur og Biða) eiga líka afmæli í dag. Ég var svo lánsöm að vera við fæðingu tvíburanna fyrir fjórtán árum. Það var ótrúleg upplifun sem ég reyni ekki að lýsa í þetta sinn. En þau eru yndisleg bæði tvö og eiga bjarta framtíð fyrir sér. Því miður á ég ekki mynd í þessari tölvu. Til hamingju afmælisbörn og megi allar góðar vættir vernda ykkur og blessa um alla framtíð

 

 

Athugasemdir

[vigdís (IP-tala skráð) 21.3.2008 kl. 11:25]

elsku afi til hafmingju með afmælið orðin 65 ára gamall og ég vona þið hafiðað gott þarna útá spáni og endilega skiljið eina kökusneið firir mig nei djók en í gær var ég og svanhildur að leita að páskaegginu og ég borðaði svog mikið að ég varað sprínga en ég skal skrifa annað koment seinna bæbæ og hafið það gott :)

[Jökull (IP-tala skráð) 21.3.2008 kl. 12:01]

Til hamingju með afmælið Ninni. Þið Kristján verðið bara flottari með aldrinum.

[Þórgunnur R Vigfúsdóttir, 21.3.2008 kl. 16:09]

Ég held að einn mesti aðdáandinn sé fædd 1969 og er klippari, hún á aldrei orð yfir Vigfús.

Andreu treysti ég alveg til að ráða við strákana........NOT 

[Hrafnhildur Reykjalín Vigfúsdóttir, 21.3.2008 kl. 16:54]

Til hamingju með daginn pabbi minn. Mamma hefur greinilega nóg að gera með að berja frá sér spænskar konur og unga karla þessa dagana! Hún verður bara handsterkari fyrir vikið  Leyfðu stelpunum svo að stjana aðeins við þig í dag

[Gummi Odds (IP-tala skráð) 21.3.2008 kl. 16:58]

Til hamingju med afmaelid, lagsi!

[Svanhildur Árnadóttir, 21.3.2008 kl. 17:16]

Ninni bað mig að þakka ykkur fyrir góðar óskir og kveðjur. Hann er afar glaður með allar þessar kveðjur.

[Atli og Vættógengið (IP-tala skráð) 22.3.2008 kl. 10:22]

Elsku Ninni - sailor með meiru....

Til hamingju með daginn í gær.  Vonum að tertan hafi runnið ljúflega niður ásamt steikinni. Það eru vonandi engar spænskar kellur með glóðurauga (nú ef Svansa hefur þurft að berja frá sér) en passaðu vel upp á litlu stelpuna. Strákarnir þora varla miklu ef þú gefur þeim auga.

Hafið það alltaf sem allra best og allir biðja að heilsa.

Atli og co