Konfekt og Crocs.

   

    "Konfektið búið og ekkert eftir nema grjótharður brjóstsykurinn" Segir Bjössi vinur minn stundum þegar þannig er gállinn á honum. Andrea er farin svo Ninni situr uppi með Agga djö.. einan enn og aftur. (orðinn vanur)  Búið er að skila af sér bílnum svo nú er bara að notast við tvo  jafnfljóta. Þá er líka gott að vera vel skóaður og það erum við hjúin svo sannarlega. Crocs-skórnir frá Ameríkunni hafa sannarlega reynst vel. Hrafnhildur mín var búin að spá því að þegar við loks byrjuðum að nota þetta skótau myndum við ekki líta við öðrum skóm eftir það. Mikið rétt við höfum enn ekki sofið í þeim, en notum þá daglega og mikið eru þeir ótrúlega fótavænir. Þeir eru kannski ekki alveg nógu smart þegar fraukan er kominn í kjól og hvítt, en hvern varðar um það þó skórnir tóni ekki alveg við kjólinn.  En mikið assko...er maður fljótur  að gera sig háðan bíldruslum, jafnvel þó þær komist ekki yfir hundraðið.                           

Ég bið allar góðar vættir að vera með ykkur.

Athugasemdir

[Hrafnhildur Reykjalín Vigfúsdóttir, 28.3.2008 kl. 00:48]

Já mikið rétt mikið rétt. Crocks skórnir eru alveg að standa fyrir sínu... ég hreinlega skil ekkert í mér að hafa ekki farið að kalla familíunna hér í Columbia "Crocks familíuna"! Svo mikið er víst að þeir eru notaðir og erum við þekkt fyrir það

Ég vorkenni nú pabba ekkert fyrir hann Agga djöful.... enda ekki slæmur félagsskapur það! hahaha

[Hulda Signý (IP-tala skráð) 28.3.2008 kl. 14:17]

Crocsararnir klikka ekki :) Ég fékk mér einmitt nýja í Ammmeríkunni, í Mallinu í Columbia, gömlu voru alveg að gefa sig.

[Þórgunnur R Vigfúsdóttir, 31.3.2008 kl. 08:58]

Ég ætla bara ekkert prufa þetta skótau....það er nú bara það....

Við hlógum yfir því hæer æi gærkvöldi ða ef veitingastaðurinn greta Garbo héti eitthvað annað þá hefðu þið kannski ekki farið þangað. Okkur fannst nafnið vera svo "Svönsulegt" og við Arnar vorum viss um að þér hefði nú líkað það sem Andrea staðfesti náttúrulega.

[Þórgunnur R Vigfúsdóttir, 31.3.2008 kl. 09:01]

úpps flýtti mér einum of pikka, biðst forláts

[Svanhildur Árnadóttir, 1.4.2008 kl. 08:29]

Hvað staðfesti Andrea?